Kryeministri Edi Rama e ka cilësuar deklaratën e Presidentit të Francës në lidhje me negociatat, pozitive, mirëpo sipas tij populli shqiptar nuk duhet që ta ushqejë veten me iluzione.
“Në fakt unë nuk e ndoqa dot Presidentin se isha në takime të tjera, por nga sa munda të lexoj është një sinjal pozitiv. Unë dëshiroj t’ju them se nuk kemi pse ushqejmë veten me iluzione dhe dëshira të skajshme edhe pse shumë legjitime. Le të presim me durim dhe të punojmë me këmbëngulje ashtu siç do të punonim po të ishin hapur negociatat”, tha Rama.
Kujtojmë se sot gjatë një konference, Macron u shpreh se nëse kësaj radhe, pas implementimit të metodologjisë së re për zgjerimin e BE, Komisioni Europian do të japë një raport pozitiv për Shqipërinë dhe Maqedoninë e Veriut, atëherë Këshilli Europian duhet të jetë në gjendje të hapë negociatat.
