Këshilli i Sigurimit i Kombeve të Bashkuara ka miratuar një rezolutë për vendosjen e “armëpushimit afatgjatë” në Libi. Megjithëse, ka hasur në rezistencën e Rusisë, të cilët votuan abstenim, pasi nuk ranë dakord për dokumentin e hartuar, OKB-ja ka arritur të kalojë me sukses dokumentin.
Kjo rezolutë u finalizua dje pas disa javëve debat në Këshillin e Sigurisë. Dokumenti është përpiluar nga anglezët.
“Nevoja për armëpushim afatgjatë në Libi sa më shpejt, pa parakushte”, shkruhet në rezolutë. Theksi është venë dhe te çështja e mercenarëve për të cilën në rezolutë shkruhet: “shqetësimi për rritjen e përfshirjes së mercenarëve në Libi”.
Ka qenë pikërisht ky term që është kundërshtuar nga Rusia, të cilët kanë kërkuar të zëvendësohet me “luftëtarë të jashtëm terroristë”.
Sipas OKB-së, Moska po mbështet gjeneralin “rebel” Khalifa Haftar, si përfituese direkte nga konflikti. Sipas tyre, Rusia po ndihmon kontraktorët ushtarakë rusë që furnizojnë me armë ushtrinë e Haftarit.
Nga ana tjetër, Rusia ka mohuar zyrtarisht përfshirjen në luftën civile në Libi.
