Ditën e djeshme efektivja e OFL u shfaq në një deklaratë për shtyp me syze dhe kapele.
Paraqitja e saj tërhoqi vëmendjen e të gjithëve.
Por cila është arsyeja pse ajo u shpërfaq publikisht në atë mënyrë?
Deputeti i Partisë Socialiste Alket Hyseni ka shpjeguar në studion e emisionit “Repolitix” arsyen.
Ai pohoi se mbajtja e syzeve dhe kapeles është për shkak të sigurisë së tyre, pasi çështjet me të cilat ato merren kanë një risk të madh.
“E kam kënaqësi ta shoh imazhin e ri. Tani ky është imazhi i ri i Policisë së Shtetit, nga një polici me bark të madh që pinte birra. Sot janë 5500 policë që kanë dalë nga Universiteti.
Ka qëllim të fshehë sytë për të mos u shfaqur publikisht sepse riksojnë. Ne u përpoqëm me vështirësi të mëdha të sjellim një akt për të mirën e sigurisë publike dhe për të mirën e imazhit të këtij vendi.
Mesazhi politik që përcjellim është ky: Do ia nxijmë jetën çdo ditë e më tepër krimit. Na prini dhe na ndihmoni në këtë rrugë. Mos u bëni pengesë”, tha Hyseni.
