Në Gjermani është konfirmuar rasti i parë i virusit misterioz kinez. Autoritetet gjermane bëjnë me dije se personi i infektuar është nga Bavaria. Deri tani pacienti është në gjendje të mirë, raporton DW.
Ministria e Shëndetësisë Gjermane lëshoi një deklaratë ku pohoi se personi i prekur është izoluar dhe se rreziku që virusi të përhapet në popullsinë bavareze është i vogël.
“Personat që kanë pasur kontakt me pacientin janë informuar në detaje për çdo simptomë të mundshme si dhe masat e nevojshme që duhen marrë”, thuhet në deklaratë.
Ministria ka njoftuar se për këtë rast do të mbajë dhe një konferencë shtypi në vijim.
Deri tani nga koronavirusi kanë humbur jetën 106 persona dhe raportohen rreth 4500 të prekur në gjithë botën. /Tirana Today
