Turqia është ende nën shok pas tërmetit 6.8 ballë që goditi vendin. Deri tani janë raportuar 39 viktima dhe mbi 1600 të plagosur. Sikur të mos mjaftonte, popullata është përfshirë në panik pas një deklarate të ministrit të brendshëm.
Suleyman Soylu ka deklaruar se Stambolli do të goditet nga një tërmet edhe më i fuqishëm me magnitudë 7.5 i shkallës rihter dhe se qeveria është duke punuar për të marrë të gjitha masat e nevojshme.
Stambolli është zemra ekonomike e Turqisë dhe një tërmet i tillë mund të paralizojë ekonominë e vendit. Deklaratat mbi tërmetin ministri i bëri gjatë një interviste në CNN turk.
“Presim një tërmet me magnitudë 7.5 të shkallës rihter në Stamboll. Ne jemi duke punuar seriozisht për skenarin e mundshëm të tërmetit. “Ky është një studim shumë i ndërlikuar, duke mbuluar gjëra që duhet të bëjmë për të mbrojtur thesaret kombëtare në Pallatin Topkapi e deri tek nevojat e qytetarëve”, tha Soylu.
