Gazetari investigativ Artan Hoxha, më herët ka deklaruar se disponon një video për një kryetar Bashkie, i cili është filmuar duke pirë kokainë. Pritet që në orët në vijim të publikojë edhe videon, ndërsa më poshtë janë fotot ku shihet edhe momenti kur kryebashkiaku është duke pirë kokainë.
Të ftuar në emisionin “Opinion”, gazetari Artan Hoxha dhe Sekretari i Përgjithshëm i PD-së, Gazment Bardhi, pohuan se një kryebashkiak është kapur në video duke konsumuar lëndë narkotike në ambiente publike.
Artan Hoxha: Çështja e tërmetit e spostoi atë [denoncimin për kryebashkiakun].
Gazment Bardhi: Kam dijeni, e kam parë videon, por nuk e disponoj.
Artan Hoxha: Dijeni mund të kenë, nuk e di nëse e kanë parë. Është në ambient publik, se po të ishte në zyrë nuk ke si e filmon. Nëse e merr narkotikun në banesë apo në një ambient të mbyllur, nuk ka problem se thua jam përdorues. Përveç faktit që je i zgjedhur vendor, pastaj kalon në një nivel tjetër. Por, nëse e merr në ambient publik, ky është problem.
Deri tani PD ka denoncuar 5 kryebashkiakë socialistë dalë nga zgjedhjet e 30 qershorit, që kanë fshehur të shkuarën e tyre kriminale.
