Sot fillon gjyqi për shkarkimin e presidenti të SHBA-së Donald Trump. Kjo është hera e tretë në histori që një president i SHBA-së përballet me një seancë hetimore për shkarkim. Edhe pse gjasat janë të vogla, pasi Partia Republikanëve ka shumicën në senat, procesi mund të përfundojë me shkarkimin e Trump.
Presidenti Trump akuzohet për dy shkelje. E para, ai akuzohet se ka kërkuar ndihmë nga Ukraina për ta dëmtuar rivalin politik, Joe Biden, përmes fillimit të hetimeve kundër tij. Ai dyshohet se ka bllokuar ndihma ushtarake prej miliona dollarësh për Ukrainën me kusht që të fillojnë hetimet ndaj Biden-it.
Së dyti, ai akuzohet për pengim të Kongresit, pasi vitin e kaluar Shtëpia e Bardhë ndaloi stafin e Trump që të japë dëshmi në seancat fillestare hetimore.
Seancat në Senat do të udhëhiqen nga Mitch Mçonnell, kryetar i këtij institucioni, anëtar i Partisë Republikane, dhe Chuck Schumer, udhëheqës i anëtarëve të Partisë Demokratike në Senat.
Senatorët do të votojnë sot për rregullat e këtij procesi, shkruan “BBC”.
