Donald Trump e ka cilësuar një fitore marrëveshjen ndërmjet Kosovës dhe Serbisë për rivendosjen e një linje fluturimi të drejtpërdrejtë ndërmjet dy vendeve shteteve.
Për presidentin e SHBA-së ky është një moment historik, pasi për herë të parë një shtetasit e dy vendeve do të kenë mundësi të fluturojnë nga Prishtina dhe Beogradi pas një historie të gjatë armiqësie.
“Të gjithë thoshin se nuk bëhej dot. Por për herë të parë në një gjeneratë do të ketë fluturime të drejtpërdrejta midis Serbisë dhe Kosovës. Një tjetër fitore.”, shkruan presidenti i SHBA-ve.
Në postimin e tij në Twitter, Presidenti Trump falënderon Ambasadorin Robert O’Brien, këshilltar i sigurisë kombëtare të Shtëpisë së Bardhë dhe Ambasadorin e SHBA në Gjermani, Richard Grenell.
Diplomatët amerikanë ndërmjetësuan të hënën nënshkrimin e një marrëveshjeje midis Kosovës dhe Serbisë për rihapjen e linjës ajrore Prishtinë-Beograd, në një përpjekje për përmirësimin e lidhjeve ekonomike midis dy vendeve.
