Kreu i Shtetit Ilir Meta, ka dekretuar kthimin për rishqyrtim në Kuvend të paketës “anti-shpifje”. Sipas presidentit Meta, paketa “anti-shpifje” shkel parimet themelore kushtetuese të një shteti demokratik. Po kështu, shkel të drejtën e lirisë së shprehjes, së shtypit dhe të drejtës së informimit.
“Në kundërshtim me jurisprudencën e Gjykatës Kushtetuese. Shkel standartet e Konventës Evropiane të të Drejtave të Njeriut”, citon më tej presidenti.
REPUBLIKA E SHQIPËRISË
PRESIDENTI
D E K R E T
PËR KTHIMIN E LIGJIT NR. 91/2019
“PËR DISA NDRYSHIME DHE SHTESA NË LIGJIN NR. 97/2013
“PËR MEDIAT AUDIOVIZIVE NË REPUBLIKËN E SHQIPËRISË”, TË NDRYSHUAR”
Në mbështetje të neneve 85, pika 1 dhe 93, të Kushtetutës,
D e k r e t o j
Kthimin për rishqyrtim në Kuvend, të ligjit nr. 91/2019, “Për disa ndryshime dhe shtesa në ligjin nr. 97/2013 “Për mediat audiovizive në Republikën e Shqipërisë”, të ndryshuar”, me qëllim rishikimin sipas arsyetimit bashkëlidhur këtij dekreti.
Nr. Dekreti 11413
Tiranë, më 11.01.2020
PRESIDENTI I REPUBLIKËS
ILIR META
