Ambasada iraniane në Tiranë ka qenë shumë aktive në promovimin e interesave të biznesit të ndërmarrjeve shtetërore iraniane, dhe në kultivimin e lidhjeve ndërpersonale me figura të rëndësishme në Shqipëri. Po ashtu, ajo ka financuar botimin e materialeve pro-iraniane në Shqipëri.
Shoqata e miqësisë Shqipëri-Iran, e themeluar nga ish-ambasadori iranian në Shqipëri, Alibeman Zark, ka anëtarësuar figura të shquara në komunitetin shkencor shqiptar si Eduart Sulstarova, Emil Lafe dhe Jorgo Bulo. Targeti i saj kanë qenë ekskluzivisht shkencëtarë, biznesmenë dhe politikanë të nivelit të lartë.
Fondacioni i Kuranit, i drejtuar nga universiteti shtetëror iranian “Xhometul Moustafa”, që e ka selinë në qytetin e Qom-it. Ky fondacion dërgon studentë të përzgjedhur shqiptarë për studime fetare në Iran. Fondacioni boton edhe literaturë fetare në shqip, teksa shënjestron shqiptarët e shtresave të ulëta, që janë dobët nga gjendja ekonomike.
Kolegji Saadi, një shkollë e mesme për femra, boton edhe libra fetarë. Drejtor i kolegjit ka qenë për shumë vite A.Asgari, një i afërm i ish-presidentit iranian Khatami. Fondacioni kulturor “Saadi Shirazi”, është struktura e parë iraniane e vendosur në Shqipëri.
Fondacioni financohet nga Organizata Islamike për Marrëdhëniet Kulturore, me seli në Teheran. Synimi kryesor i saj është përkrahja e organizmave të tjera iraniane të vendosura në Shqipëri, botimi i literaturës fetare dhe politike pro-iraniane, si edhe organizimi i konferencave të ndryshme.
Ka ardhur koha që në dritën e rrethanave aktuale, shteti shqiptar të ndërmarrë një kontroll të imtësishëm të këtyre organizatave, që në shumë raste i kanë bërë jehonë propagandas së regjimit iranian.
TIRANA TODAY
