Së fundmi Mali i Zi ka miratuar ligjin për vendosje të flamujve kombëtarë, ndërkohë pas ish-ministrit të Jashtëm Ditmir Bushati, ka reaguar edhe Presidenti Ilir Meta.
Mali i Zi miraton ligjin për vendosje të flamujve kombëtarë/ Reagon Bushati
Në një postim në rrjetin social Facebook, Meta shkruan se përshëndet miratimin e ligjit në fjalë.
“Përshëndes miratimin në Kuvendin e Malit të Zi të Ligjit për Zgjedhjen, Përdorimin dhe Shfaqjen Publike të Simboleve Kombëtare për t’ju garantuar pakicave kombëtare e drejta dhe liria e zgjedhjes, përdorimit dhe vendosjes publike të simboleve kombëtare, si dhe kremtimi i festave të tyre kombëtare.
Ky ligj, që priste miratimin që prej vitit 2017 u garanton komunave ku shqiptarët përbëjnë 5% të popullsisë shënimin e festës kombëtare.
Një hap i rëndësishëm në drejtim të respektimit të të drejtave të pakicave dhe në dobi të forcimit të kohezionit social dhe kontributit të tyre në ndërtimin e shtetit të së drejtës.
Përgëzime jo vetëm partive politike shqiptare, por të gjithë institucioneve në Malin e Zi që kontribuuan në miratimin e këtij ligji të rëndësishëm”, shkruan Kreu i Shtetit.
