Nënkryetari i Partisë Demokratike, Edi Paloka ka reaguar pas sqarimeve të bëra nga kryeministri Edi Rama për procesin e “Shengenit Ballkanik”. Në mesazhin drejtuar kritikëve, Rama shtoi se Kosova bëri një gabim të madh që nuk u përfshi në këtë mbledhje pasi sipas tij, kështu ajo nuk flet dot, as dëgjohet, pra nuk fiton asgjë.
Përmes një postimi në “Facebook”, Paloka i quajti shpjegimet e kreut të qeverisë “justifikime të pritshme”, ndërsa shtoi se kush e njeh mirë kryeministrin mund ta paramendojë se ai mund t’i ketë dërguar një mesazh privat kryeministrit të Kosovës, për t’i treguar se sa shumë e vlerëson.
Postimi i Edi Palokës:
Nuk ka me asnje surprize ne veprimet e Rames. Edhe justifikimet e tij te fundit ne fb ishin te pritshme. Madje , ne se nuk e ka bere akoma, “levizja” e rradhes ju siguroj qe do jete nje mesazh privat per Ramushin ku duke u perdredhur do ti shkruaj se sa shume e vlereson. Kush e njeh mire Ramen e njeh dhe kete “ves” te tij , qe kur shfaqet si i forte apo arrogant ne publik, me dike qe e di qe mund t’ja ktheje, menjehere e kontakton privatisht per ti treguar qe nuk i ka patur seriozisht sharjet…
Mos ju duket habi qe nje “trim” si Rama, i merr seriozisht dhe ato qe shkruhen ne rrjete sociale se Ramushi ka per ta rrahur me shpulla, per fyerjet qe ka leshuar Rama per te e per Kosoven ne krah te Vucicit!
Sa per ate se “mini-shengeni” qenka ne te mire te shqiptareve se realizoka “qellimin madhor” te levizjes se lire te njerezve ne rajon, deficenti kryeminister e di shume mire se shqiptaret kane mbi dhjete vjete qe levizin lirisht jo vetem ne rajon, po ne gjithe Evropen!
E vetmja qe perfiton nga ky i ashtuquajtur “mini-shengen” , eshte Serbia ! Shqiptaret, ne Shqiperi dhe Kosove , jane ata qe humbasin e Rama ashtu si Vucic e dijne shume mire kete…
