Ish-ministri i Brendshëm italian, Matteo Salvini rrezikon të dënohet deri në 15 vjet burg, pasi akuzohet se ka abuzuar me pushtetin duke iu privuar lirinë 131 emigrantëve në bordin e anijes Gregoretti.
Këtë akuzë të ngritur e ka njoftuar vetë Salvini, i cili e quajti të turpshme faktin që “një ministër gjykohet sepse ka kërkuar të mbrojë interesat e vendit të tij”.
I mbetet në dorë ligjvënësve italianë nëse do të vendosin për t`i dhënë ose jo procesit dritën jeshile.
Salvini akuzohet se i detyroi emigrantët që të mos zbrisnin nga anija, pavarësisht kushteve të rënduara psiko-fizike në bord.
