Gazetari Enkel Demi është bërë bashkë me kolegët e tij, në protestën kundër paketës ‘Anti-shpifje’ që pritet ta miratojë mazhoranca. Ai ka shpërthyer ndaj Ramës, e ndërsa e ka paralajmëruar se do të vijojnë për të çuar deri në fund misionin e tyre, atë të informimit të publikut.
“Nga përvoja jonë, që është goxha më e madhe se e atij, sa më keq ta bëjë, aq më zi do ia bëjmë. Për të mbyllur nuk na mbyll dot, do të na kufizojë. Por nuk e bën dot. Të vetmen gjë që bën sot ai është që thjesht do ta kthejë në personale. Ka njerëz që ushqehen me këtë punë, e kanë profesion dhe ti nuk mund të futesh dot në shtëpinë e të tjerëve.
Ne do të vazhdojmë, do të shkruajmë opinione dhe nuk e kemi frikë sepse nuk e kemi pasur frikë asnjëherë. Nga kjo anë e gardhit nuk e ka njeri frikë, nga ana tjetër e gardhit e kanë frikë. Sot jemi bërë bashkë, se kemi të njëjtin hall. Gjithsecili ka vijën e tij editoriale. Ne jemi bashkë se jemi për profesionin tonë”, u shpreh Enkel Demi.
