Policia e Shtetit njofton se ka arrestuar një 38 vjeçar në Elbasan, pasi pas kontrollit në çantat e ushqimeve të cilat do ja dërgonte vëllait të tij në burg, iu gjet 2.3 gramë heroinë.
Njoftimi i policisë:
Specialistët për Hetimin e Narkotikëve në DVP, arrestuan në flagrancë për veprat penale, “Prodhimi dhe shitja e narkotikëve” dhe ” Futja e sendeve të ndaluara në institucionin e ekzekutimit të vendimeve me burg”, shtetasin:
-U.K., 38 vjeç, banues në Elbasan. Arrestimi i tij u bë pasi në dhomën e pritjes dhe takimit me të paraburgosurit pranë I.E.V.P. Elbasan, gjatë kontrollit të ushtruar nga shërbimet e Policisë në çantat e ushqimeve të cilat do ja dërgonte vëllait të tij, Policia gjeti dhe sekuestroi në cilësinë e provës materiale 2.3 gramë lëndë narkotike e dyshuar të llojit heroinë.
