Ditën e sotme janë arrestuar 17 persona dhe janë shoqëruar rreth 30 ndërtues si përgjegjës për sigurinë e ndërtesave që u shembën nga tërmeti. Ndër ta, bëjnë pjesë ndërtues, inxhinierë dhe zyrtarë administrate, të cilët me veprimet apo mosveprimet janë bërë shkak për pasojat tragjike të tërmetit.
Sipas burimeve të policisë, në shënjestër të hetimeve janë ndërtesat ku ka pasur viktima, si Konvaleshenca, hotel Mira Mare, hotel Tropikal, Vila Palma, pallati 6 Katësh. Por, pritet që hetimi të zgjerohet edhe për ndërtesat e tjera të dëmtuara që janë shpallur pabanueshme.
Në nja rastet abuzive është edhe arrestimi i një pronari lokali, në një nga ndërtesat që u shemb në Durrës dhe pati dy viktima. Sipas banorëve, pronari i lokalit kishte holluar muret, bazamentin mbajtës të pallatit për të përfituar hapësirë për lokalin e tij. Tashmë, ai ndodhet në komisariat dhe pritet që hetimet të zbardhin detaje më të plota mbi akuzat me të cilën përballet.
