Një incident i rëndë është shënuar në ndeshjen mes Manchester City dhe Manchester United.
Tifozët e Manchester City e kanë humbur toruan në një moment gjatë lojës, teksa kanë shpërthyer në thirrje raciste ndaj lojtarit të skuadrës kundërshtare, Fred.
Sulmuesi më pas është qëlluar me çakmakë dhe me shishe gjatë momentit kur po ekzekutonte një goditje këndi. Lojtarët e City u munduan t’i qetësojnë lojtarët e tyre por më kot.
Në një moment gjatë videos duket edhe momenti kur një nënë e rë largon djalin e saj nga stadiumi, për shkak të agravimit të situatës (min 1.08). Por veprimi më skandaloz ishte i një djali i cili bëri shenjën e avionit kundrejt lojtarëve të Manchester United.
https://twitter.com/whatmjtweeted/status/1203388419310858240
Një gjest simbolik ky për t’i kujtuar përplasjen e tmerrshme ajrore të “Djajve të Kuq” në vitin 1958. Skuadra angleze u përplas në Mynih duke shkaktuar një tragjedi të madhe. 44 persona ishin në bord, ndërsa 23 persona vdiqën dhe mbijetuan 21 vetë.
Në lidhje me këtë situatë ka reaguar edhe trajneri Ole Gunnar Solskjaer, i cili gjithashtu e quajti këtë akt si skandaloz.
“Gjest skandaloz. E pashë videon. Ai tifoz që bën gjëra të tilla nuk duhet të futet më në stadiume. Ne flasim çdo javë për këtë, por duhet të reagojmë”, tha ai.
Ndeshja u mbyll me rezultatin 2-1 për Manchester United.
