Pas dramës së 26 nëntorit, kryeministri Rama ka pritur sot në një takim eksperten Luljeta Bozo, e cila është kthyer në një personazh mjaft të dashur për publikun shqiptar. Mesazhet e saj mjaft të vyera e në të njëjtën kohë, mirësia për të qetësuar popullatën në këto ditë tmerri, kanë dhënë rezultatet e duhura.
Shefi i qeverisë ka shprehur falenderimet e pakursyera ndaj ekspertes Luljeta Bozo, ndërsa e përgëzoi rolin e saj që ka kryer në qetësimin psikologjik të njerëzve. Gjatë bisedës ‘kokë më kokë’, ajo shprehu një kërkesë për qeverinë, ku tha se tani duhet treguar më tepër kujdes me ekspertizën, dhe me verifikimet e dëmeve të shkaktuara nga tërmeti.
Pjesë nga biseda:
Rama: Më ka rënë në sy që shkruani edhe ju. Që keni bërë një punë të madhe për të qetësuar njerëzit. Është mbushur me sharlatanë dhe me delirantë.
Bozo: Kam shkuar në objekte dhe në shkolla. Unë kam një shqetësim timin. Njerëzit u strehuan, mirë keq u futën brenda. Tashi fillon ekspertiza. Tani këtu e kam merakun.
Rama: Ne u kemi kërkuar të huajve të na thonë mban apo jo struktura. Do ishte shumë pozitive nëse ju do na ofroni ndihmë për këtë pjesë. Po bëjmë një paketë të standardeve të riparimeve.
