Deputetja Rudina Hajdari ka shprehur ngushëllimet e saj për për familjet që humbën të afërmit e tyre nga tërmeti shkatërrimtar i 26 nëntor.
Gjatë fjalës së saj në seancën parlamentar, Hajdari nuk i kurseu kritikat në drejtim të qevrisë në lidhje me menaxhimin e situatës pas tragjedisë.
“Dua t’i uroj shërim të shpejtë të lënduarve. ata janë në zemrat tona në çdo moment. shpreh mirënjohje për çdo vullnetar që ofroi ndihmë, mjekët infermierët e çdo qytetar. Tregua një ndjenjë të pashembullt solidariteti e kjo nuk është pak. Mirënjohje për ekipet e emergjencës, Kosovës e vendeve fqinje. Ju nuk reshtët deri në momentin e fundit, për të bërë të pamundurën. Falënderoj edhe mediat e gazetarët e çdo kush që u bashkua. Falenderoj çdo donator, shqiptar brenda e jashtë vendit. Nuk ka vlerësim më të lartë që ne treguam, një model frymëzimi për të gjithë. Kjo ndihmë nga aleatët nuk ishte për elitën po për shqiptarët. do ju jemi gjithmonë mirënjohës, puna e solidariteti juaj nuk ka për t’u harruar kurrë. Ai provoi se themelet njerëzore janë të pakufishme. Sot jemi për të diskutuar edhe për masat që duhen marrë tani e tutje”, tha ajo.
Hajdari theksoi se duhet të ketë një rishikim të buxhetit, teksa shton se duhet të nisë sa më shpejt rindërtimi i banesave. Ajo deklaron se nuk duhet lejuar shembja e asnjë ndërtese pa u bërë hetimi dhe inspektimi i plotë i tyre.
Ajo bën thirrje se ka akoma banorë të prekur të cilët nuk kanë marrë ushqime, strehim, pavarësisht kontributeve.
“Buxheti duhet të rishikohet. Inspektimi i ndërtesave të zbatohet e mos lejohet shembja pa u bërë hetimi i plotë për çdo ndërtesë. Rindërtimi të nisë sa më shpejt, që të fillojmë shërimin e kësaj plage shoqërore. Duhen marrë masat për plotësimin e legjislacionit. Pasojat nuk përmbyllen në një ditë, ajo që mund të bëjmë është të ndihmojmë çdo kënd që është i prekur. Sot ka ende nevojë për ushqime, strehim, pavarësisht kontributeve, ndihma nuk ka ardhur në shërbim të barabartë për të prekurit. Ka ende kërkesa për strehim.
Kanë qenë kontributet vullnetare që kanë ardhur si ndihmë e parë. Ndihem e revoltuar dhe e shqetësuar, shumë familje nuk kanë ndihma, janë ende pa çadra. Thirrje kujtdo, ndihmat mos të centralizohen në një zonë. Nuk duhet të lëmë asnjë në rrugë, e asnjë fshat pa prekur. Gjëja e parë që qytetarët kërkojnë është procesi i rivlerësimit të banesave. I kërkojmë qeverisë të vë çdo kënd në dispozicion. Shembja është një akti kriminal, përbën provë materiale për hetime penale.
Kjo situatë s’mund të shkojë pa mbajtur përgjegjësi. Qeveria nuk mund të anashkalojë këtë transparencë këtë herë. Meqë jemi në gjendje fatkeqësie, duhet të nisim nga anulimi i kontratave koncensionare. Të bëjmë çdo për t’ju gjendur pranë qytetarëve e të lemë metodat e vjetra të propagandës. Historia do marrë me vete abuzuesit e ata që do vjedhin. Nuk ka më kohë për fjalë por vetëm për vepra”, u shpreh ajo.
