Presidenti Ilir Meta ka reaguar sërish përmes një postimi në rrjetin social Facebook.
Kësaj here, Kreu i Shtetit ka publikuar një foto ku shfaqet me Kryeministrin e Kosovës Ramush Haradinaj dhe me kryetarin Lutfi Haziri.
“Së bashku me Kryeministrin e Kosovës, z.Ramush Haradinaj vizitova sot Komunën e Gjilanit, për të falenderuar kryetarin Lutfi Haziri dhe të gjithë popullin e Gjilanit për solidaritetin, kujdesin, ndihmën dhe mikpritjen për dhjetëra familje nga Shqipëria, të prekura rëndë nga tërmeti shkatërrimtar i 26 nëntorit.
Kjo fatkeqësi natyrore që rrëzoi jo pak ndërtesa në Shqipëri, dëshmoi solidaritetin mbarëkombëtar, jashtëzakonisht të fortë, që është garanci për të tejkaluar sa më parë këto dhimbje dhe të gjitha pasojat, siç është dëshmuar edhe në të kaluarën”, shkruan Meta.
