Presidenti Meta ka vendosur të mbledhë Këshillin e Sigurisë Kombëtare, pas pasojave të tërmetit të 26 nëntorit.
Këtë gjë e bën të ditur zëdhënësi i tij, Tedi Blushi, i cili deklaron se mbledhja do të zhvillohet ditën e nesërme.
“Në përgjigje të interesimit të vazhdueshëm të mediave në lidhje me një mbledhje të mundshme të Këshillit të Sigurisë Kombëtare, ju sqaroj se:
Presidenti i Republikës Sh.T.Z Ilir Meta ka vendosur të thërrasë nesër mbledhjen e Këshillit të Sigurisë Kombëtare, në orën më të përshtatshme, në varësi të situatës”, shkruan Blushi në postimin e tij në Facebook.
Prej ditësh, kreu i Shtetit ishte pyetur nëse do të mblidhte këtë Këshillë për të diskutuar mbi situatën e krijuar pas dëmeve të shumta në Durrës dhe Thumanë.
