Zëdhënësi i OKB, Stephane Dujarric, ka njoftuar se në Shqipëri janë dërguar dy ekspertë për vlerësimin e katastrofave. Ata do të jenë pjesë e grupit të punës që do të vlerësojë dëmet e shkaktuara nga tërmeti i të martës.
Sipas tij, dy ekspertët janë më të mirët në fushën e tyre dhe do të shërbejnë për të bërë një vlerësim sa më real të dëmeve dhe nevojave për kapërcimin e situatës. Ai e ka bërë të ditur lajmin në një konferencë shtypi në selinë e Organizatës në New York.
“Këtë verë do martoheshin, sot janë nën rrënoja”, historia e çiftit në Thumanë
“Dy ekspertë vlerësues të katastrofave dhe kapërcimin e pasojave, kanë mbërritur në Shqipëri. Ata do të jenë në ndihmë të qeverisë shqiptare në operacionet e kërkimit dhe shpëtimit”, tha ai.
Gjatë intervistës ai ka shprehur ngushëllime familjarëve që humbën njerëzit e dashur . OKB-ja ka shprehur gadishmërinë maksimale për të ndihmuar Shqipërinë në këtë fatkeqësi.
