Shqiptarët ende vazhdojnë të ndodhen në ankthin e lëkundjeve të tokës, që nuk kanë pushuar as mbrëmjen e djeshme. Sipas IGJEUM, që nga dje e deri sot, ka pasur rreth 310 paslëkundje.
24 orë pas tërmetit ‘apokaliptik’ që goditi dje vendin në orën 3:54 të mëngjesit, Shqipëria zgjohet me një bilanc lufte. Deri tani janë konfirmuar 24 viktima dhe 657 të lënduar. Ndërkohë nën rrënoja ndodhen edhe dhjetëra të tjera, të për të cilët vazhdon kërkimi.
Dy zonat më të godituara janë Durrësi dhe Thumana. Tre viktima u nxorën nga pallati 6 katësh që u shemb në Durrës; 5 viktima në rrënojat e 3 pallateve që u shembën në Thumanë; 4 viktima janë nxjerrë nga rrënojat në Kënetë në Durrës. Në vilën që u shemb në Kënetë, dy viktima në familjen Lala. I mbijetuar nga kjo familje ishte vetëm një 17 vjeçar.
Viktimë e tërmetit mbeti dhe polici në detyrë ajram Hadërmataj. Ndërsa, një person nga paniku u hodh nga pallati në Kurbin duke humbur jetën.
Publikohet lista, ja emrat e personave që humbën jetën nga rrënojat e tërmetit
Nga rrënojat e “Tropikalit” arritën të nxirren trupat e pajetë të dy të rinjve nga Kosova. Për këtë arsye, sot është shpallur ditë zie kombëtare nga qeveria.
Në kampingun e Thumanës janë ngritur rreth 67 çadra ku janë strehuar 700 banorë. Kampe janë ngritur edhe në Durrës, Manëz, Ishëm, Sukth e Katund i Ri, rreth 181 çadra në total, ku janë strehuar rreth 1450 banorë.
