Policia e Fierit ka arrestuar ditën e sotme një 30- vjeçare. Bëhet fjalë për Migena Kajollin, banuese në Fier. Ajo është dënuar nga Gjykata e Apelit Vlorë me 8 vite burg, për veprat penale, “Mashtrimi” dhe “Mashtrimi në bashkëpunim me pasoja të rënda”.
30-vjeçarja akuzohet se mashtronte qytetarët duke u premtuar punësime në këmbim të parave. Emri i saj u publikua një vit më parë, kur policia e arrestoi bashkë me të shoqin.
Në bashkëpunim me njëri tjetrin, kanë mashtruar persona të ndryshëm në qytetin e Fierit, duke u premtuar se do i punësonin në kompani të ndryshme private.
“Policia e Fierit ka arrestuar dy persona, burrë dhe grua, pasi në bashkëpunim me njëri-tjetrin kanë mashtruar persona të ndryshëm me pretendimin se do i punësonin. Sipas policisë mësohet se në pranga kanë rënë Fisnik Kajolli dhe bashkëshortja e tij Migena Kajolli, banues në Dërmënas, Fier”, njoftonte policia një vit më parë.
Shuma e parave të përfituara nga ana e çiftit, që u arrestua fillimisht në Maj të 2018-tës, ka qenë në total rreth 200 mijë euro.
Shumat marramendëse për një vend pune, jeta luksoze e çiftit mashtrues
