Me tone të larta, presidenti Meta tha në një konferencë të jashtëzakonshme se Rama ka përqëndruar të gjitha pushtetet në duart e tij. Ai deklaroi se jemi para një situate dramatike, ku Kushtetuta po shkelet hapur. Kjo me qëllimin tek përqëndrimi i të gjitha pushteteve ndaj Ramës.
Mjaft i alarmuar, Kreu i Shtetit, teksa vendosi pikat mbi ‘i’, tha se Kuvendi është lënë qëllimisht prej dy vitesh pa Gjykatë Kushtetuese, pa Gjykatë të Lartë, ku si pasojë janë 32 mijë çështje gjyqësore.
“Siç Komisioni i Venecias pati paralajmëruar, zbatimi i këtij procesi do të duhet të ishte i kujdesshëm dhe gradual. Qëllimi i reformës nuk ishte falimentimi i sistemit gjyqësor.
Ndryshe nga çfarë këshilloi Venecia, zbatimi i Reformës në Drejtësi është i njëanshëm.
Jemi përpara një situate edhe më dramatike, ku Kushtetuta po shkelet hapur dhe dhunshëm, me qëllim në përqendrimin e të gjitha pushteteve ndaj kryeministrit aktual. Jemi në kushtet kur legjislativi dhe ekzekutivi janë bërë njësh. Ku janë kapur të gjitha bashkitë e vendit.
Kuvendi është lënë qëllimisht prej dy vitesh pa Gjykatë Kushtetuese, pa Gjykatë të Lartë, ku si pasojë janë 32 mijë çështje gjyqësore.
Ku prokurori i përgjithshëm i përkohshëm, term që nuk ekziston në Kushtetutë, u emërua për të korrur këto rezultate të mahnitshme.
Vendi po shpopullohet pa mbarim. Nuk ka më asnjë investim serioz nga SHBA, Gjermania apo Italia. Është koha t’i themi ndal”, tha Meta.
