Gjatë prezantimit të “Udhërrëfyesit 2024 për kontrollin e armëve në Ballkanin Perëndimor”, Franca dhe Gjermania kërkojnë nga Shqipëria që ta trajtojnë me rëndësi çështjen e armëve dhe municioneve luftarake në duart e popullatës.
Para se vendi ynë të hedhë hapat për t’u bërë pjesë e Bashkimit Evropian, drejtori i Ministrisë Federale Gjermane të Punëve të Jashtme, Marcus Bleinroth u shpreh se këtij fenomeni duhet t’i jepet fund.
“Vetëm në këtë mënyrë ju mund të bëheni dhe anëtarë të BE”, theksoi Marcus Bleinroth.
Nga ana tjetër, ambasadori në Ministrisë e Jashtme të Francës, Jean-Claude Brundet e konsideroi trafikimin e armëve një kërcënim global.
“Trafikimi i armëve të kalibrit të vogël dhe të mesëm është kërcënim për të gjithë”, u shpreh Jean-Claude Brundet.
Gjatë fjalës së saj, zv.ministrja e Brendshme Rovena Voda, deklaroi se Shqipëria ka forcuar kontrollet kufitare me qëllim parandalimin e trafikimit të armëve.
