Ndonëse data shënon 19 nëntor, vaksina antigrip ende nuk është shpërndarë në gjithë vendin. Denoncimi i radhës ka ardhur nga ish-deputeti demokrat, Bardh Spahia, i cili thotë se vaksina duhej shpërndarë që në tetor.
Ai e ka konsideruar si propagandë atë për vaksinimin falas. Mjaft i revoltuar me këtë situatë, Spahia kërkon të dijë se pse është lënë vendi në këtë gjendje, kur nuk është furnizuar në kohë me vaksina.
Ndonëse jemi në prag të sezonit të gripit, Tirana po përballet me këtë neglizhencë me mos pajisjen e qendrave shëndetësore e farmacive me vaksinën antigrip. Në vazhdën e denoncimeve, ai nënvizon se nuk ka vaksina për fëmijë. Qendrat shëndetësore janë udhëzuar që të vegjëlve, t’u bëhet një dozë nga vaksina e të rriturve.
‘Vaksinat kundër gripit’/ Kryeministri Rama jep lajmin e mirë
Statusi
VAKSINAT DHE PROPAGANDA
Duhej të shpërndahej në tetor, por 10 ditë nga fundi i nëntorit dhe vaksina antigrip ende nuk është shpërndarë në gjithë vendin. Propaganda për vaksinim falas nuk vonoi, por në Tiranë, mezi mund ta gjesh, kurse në rrethe ka një administrim sporadik: diku gjendet e diku asfare. Aty ku gjendet, sasia e vaksinave është e pamjaftueshme për nevojat e atyre që e përfitojnë falas. Nuk e kuptoj se cila është ajo punë më e rëndësishme, që mund të çojë në lënien pasdore të furnizimit në kohë me vaksina, në prag të sezonit të gripit!!!!
Tirana që është metropoli me afro 1 milionë banorë, po përballet me këtë neglizhencë me mospajisjen e qendrave shëndetësore e farmacive me vaksinën antigrip. Dhe më e rënda: nuk ka vaksina për fëmijë, e qendrat shëndetësore janë udhëzuar që të vegjëlve t’u bëhet një dozë nga vaksina e të rriturve. Uroj që ky denoncim që më ka ardhur, të jetë vetëm një urdhër i pamenduar, e ministria e shëndetësisë të ndërgjegjësohet se bëhet fjalë për jetë njerëzish, e ato nuk llogariten as si propagandë e as si PPP.
“Vaksina falas”/ Spahia nxjerr blof Ramën: Shet mend me arritjet që ka gjetur
