Ish-ministri i Brendshëm, Saimir Tahiri ka dhuruar një spektakël të vërtetë, teksa është shfaqur në skenë duke kënduar përkrah Aurela Gaçes.
Tahiri është parë mbrëmjen e djeshme në një nga klubet e natës duke kënduar disa këngë bashkë me disa këngëtarë të tjerë. Ai shihet mjaft i afërt me Aurelën, ndërsa në një moment duetit të tyre i është bashkuar dhe këngëtari tjetër Erik Lloshi.
Ish-ministri duket të ketë rrëmbyer vëmendjen e të gjithë të pranishmëve, të cilët nuk kanë nguruar ta filmojnë. Kujtojmë se Tahiri është dënuar me shërbim prove nga ana e Gjykatës së Krimeve të Rënda, për shpërdorim detyre.
