Ambasada e SHBA-ve në Tiranë ka publikuar në rrjetet sociale një sekuencë nga emisioni “31 minuta”, ku flitet për dhunën e ushtruar ndaj biznesmenit amerikano-libanez Faadi Mitri. Teksa po planifikonte të ndërtonte një kompleks në Gjirin e Lalzit.
Krahas videos së postuar, ambasada shton pyetjen nëse është e lehtë a jo, të bësh biznes dhe të investosh në Shqipëri. “Ky biznesmen amerikan, për fat të keq, do të thoshte ‘jo’”, thuhet në postimin e shpërndarë pak më parë nga Ambasada Amerikane.
Po ashtu, në emision përmenden edhe veprimet korruptive të gruas së gjyqtarit Gjin Gjoni, që nxori jashtë loje nga gara për ambientet e dyqaneve “Duty Free” në aeroportin e Rinasit një kompani amerikane.
https://www.facebook.com/31minuta/videos/508779973043688/?t=12
