Kryeministri Edi Rama ka sqaruar deklaratën e tij dhënë gjatë konferencës së përbashkët për shtyp me Zoran Zaev dhe Aleksandër Vuçiç, se Kosova u vetëpërjashtua nga samiti i Ohrit.
Kreu i qeverisë theksoi se do t’i qëndrojë deri në fund idesë për lëvizjen e lirë të njerëzve dhe mallrave në Ballkan. Ndërsa u tek kundërshtimi i kësaj ideje nga Kosova, të cilën shumë udheheqës kosovarë e cilësojnë si krijim të “Jugosllavisë së Re”.
Rama u shpreh se ishte i befasuar nga deklarata e ish-kryeministrit Isa Mustafa, që e akuzonte si pjesë të planit për krijimin e Jugosllavisë.
“Kam respekt për Isa Mustafën. Jam i befasuar nga deklarata e tij. Siç ka ai të drejtën për opinionin e tij, kam dhe unë të drejtën time.
Të flasësh për këtë gjë, ta ma thuash mua që kam punuar me Jugosllavinë, më duket e tepër dhe jo fortë elegante le të themi. Ashtu si kundër çfarë është Shengeni Ballkanik? Ai është refuzuar në mënyrë konstante nga dy faktorë, nga BE dhe Serbia.
Pasi kjo e fundit e ka parë si kërcënim të shqiptarëve për arsye të kufirit. Sot kur Serbia lëshon pe. Kam dëgjuar nga Albin Kurti që do të jetë në tryeza. Por, unë nuk mund të bëj më të “madhin” dhe t’i bind. Janë ata vetë që vendosin.
Kam shumë respekt për liderët e Kosovës. Janë ata që vendosin dhe i mirëkuptoj. Nëse duan të më sulmojmë duke i shtuar pikë vetes, do i marr era. Njerëzit do të shohin dhe do të kuptojnë. Isha tradhtar para se të shkoja në Beograd, dhe u bëra hero kur u ktheva. Por unë s’jam as tradhtar e as hero. Kam marrë një mision”, pohoi Rama.
