Ish-deputeti i PS-së Alfred Peza ishte i ftuar mbrëmjen e sotme në emisionin “Real Story” në “News 24” prej ku theksoi se atentati kundër prokurorit Arian Ndoj tregon qartë se njerëzit e drejtësisë në të shumtën kanë lidhje me krimin.
Ai po ashtu pohoi se Rama ka dhënë prognozën e saktë lidhur me ngjarjen.
“Rasti i atentatit tregon sesi njerëzit e drejtësisë kanë lidhje me krimin. Kjo mund t’i ndodhte çdo prokurori.
Mesa duket ka qenë aq i shpeshtë raporti mes prokurorit dhe njerëzve kriminalë sa ky ishte prokuror i paralajmëruar, për faktin se marrëdhëniet drejtësi – krim janë kaq të tmerrshme.
Kjo është edhe arsyeja pse po bëhet Vetting-u, për të shembur këtë drejtësi të kalbur.
Edi Rama tha se prokurori i Durrësit është shëmbëlltyra e drejtësisë me krimin e organizuar. Dhe doli se drejtësia ka lidhje me krimin. Kryeministri tha vetëm këtë të drejtë.
Është kapur një përfaqësues i drejtësisë në një makinë me një përfaqësues të krimit të organizuar”, tha Peza.
