Një lajm i mirë vjen për Shqipërinë. Drejtoria e Përgjithshme e Shërbimeve të Transportit Rrugor ka njoftuar se Bullgaria do të njohë lejet e drejtimit shqiptare, duke lehtësuar kështu procedurat për shoferët.
Në postimin e tyre në Facebook, thuhet gjithashtu se për konvertimin e patentës tashmë nuk nevojitet as testi praktik e teorik. Lejet e drejtimit shqiptare deri më tani njihen në Belgjikë por deri në tre muaj, në Kroaci, Maqedoninë e Veriut, Serbi, Malin e Zi dhe Kosovë.
Postimi i plotë:
Tjetër lajm i mirë për të gjithë bashkëkombasit tanë që jetojnë apo që do të udhëtojnë në Bullgari! Bazuar në Konventën e Vjenës për Trafikun Rrugor, të cilën Shqipëria dhe Bullgaria e kanë ratifikuar, shtetasit shqiptarë:
Mund të udhëtojnë në Bullgari me lejen e drejtimit shqiptare, pa qenë nevoja e pajisjes me leje drejtimi ndërkombëtare;
Kur kanë një leje qendrimi në Bullgari mund të udhëtojnë me leje drejtimi shqiptare deri në 1 vit. Pas përfundimit të afatit 1 vjeçar, do të duhet që të bëhet konvertimi në leje drejtimi bullgare. Konvertimi bëhet pa kaluar testimin teorik apo atë praktik
