Mamaja e Kostandinos Kacifas ka lëshuar thirrje të forta teksa ka qenë te varri i të birit, në ceremoninë përkujtimore që po mbahet për të.
Para një numri shumë të madh njerëzish të ardhur nga Greqia, ajo ka bërë thirrje në greqisht për vrasje, dhunë dhe luftë.
“Tradhtarët. Përse i ndaluan njerëzit të vijnë? Se janë tradhtarë. Thyejuni turinjtë, vrajini, shfarosini. Janë tradhtarë. Nuk ka qeveri këtu. Vorio Epiri është tokë greke, ne jemi grekë. Do luftojmë dhe asgjë nuk do na ndalë. Jam krenare për ty biri im”, ka thënë ajo.
Kujtojmë se më shumë se 1800 persona kanë kaluar nga pika doganore në Kakavijë, në 2 ditët e fundit.
