Nënkryetari i Partisë Demokratike, i gatshëm për një videoklip (VIDEO)

Memli Krasniqi i cili sot është nënkryetari i Partisë Demokratike në Kosovë, është pyetur nga moderatorja Jonida Shehu në emisionin ‘Soiree’, nëse ka ndërmend ndonjë rikthim në muzikë.

Dikur pjesë e grupit ikonik ‘Ritmi i rrugës’, autorë të këngëve legjendare që do të mbeten përgjithmonë në kujtesën e njerëzve si “Ushtari i rrugës” dhe “Përjetësisht”, Krasniqi është shprehur se nuk i ka dhënë fund muzikës.

 

View this post on Instagram

 

Pas rrugëtimit të suksesshëm në muzikë me grupin “Ritmi i rrugës”, Memli Krasniqi iu fut politikës, duke dëshmuar se artistët mund të jenë të suksesshëm edhe në politikë. Por kemi ende një fije shprese se një ditë ai mund t’i rikthehet muzikës @memlikrasniqi @ronelahajatiofficial @jonida.shehu @topchannelalbania

A post shared by Soirée (@soiree_topchannel) on Oct 23, 2019 at 12:40pm PDT

“E ke prerë fare marrëdhënien me muzikën? S’ka më kthim mbrapa?”, e ka pyetur ajo.

“S’kam bërë be, por efektivisht po, por s’mund të them kurrë po, sepse nuk i dihet pas 10 viteve”, është përgjigjur ai.

Moderatorja e ka pyetur se kë do zgjidhte për të bashkëpunuar në realizmin e një dueti, dhe artisti është shprehur se ka një listë të gjatë në mendje. “Po Ronela do jetë aty brenda?”, është pyetur nga moderatorja.

Ai është shprehur me mjaft pozitivitet, e madje për të do ishte një kombinim mjaft i mirë.