Kryetarja e LSI-së Monika Kryemadhi fajëson qeverisë në rast se KE nuk jep nesër një përgjigje pozitive për hapjen e negociatave.
Ndër të tjera, Kryemadhi shprehet se opozita ka kërkuar prej kohësh një pakt kombëtar për integrimin, por, sipas saj, kjo kërkesë nuk është pranuar nga qeveria.
“Pakti kombëtar është shumë i thjeshtë. Ne si LSI por edhe zoti Basha, është diskutuar dhe me ndërkombëtarët. E vetmja negociatë që kërkohej ishte krijimi i një qeverie teknike. Të bënim atë që bëri Kroacia para disa viteve. Pakti kombëtar është dhe miratimi i reformës në drejtësi. Çfarë ndodhi, nuk e donin, donin ta grabisnin reformën në drejtësi dhe tani e kanë mbi hanxhar mbi kokë. Edhe ndërkombëtarët, Lu dhe Vlahutin… Ku janë ata të dy sot? Ne jemi këtu dhe po kapemi për flokësh edhe pse ti dhe Ditmiri s’kemi flok”, tha Kryremadhi.
Po ashtu, kryetarja e LSI-së paralajmëroi se vendi do të përfshihet në një kolaps ekonomik dhe se shqiptarët do të mbeten pa rroga.
“Kolapsin ekonomik që do t’ju ndodhi shumë shpejt shqiptarëve. Ku do të ngelen shqiptarët pa rroga dhe pensionistët pa pensione. Fshehja e transparencës së Ministrisë së Financave për thesarin është një krim tjetër… Po po pa rroga do mbeten shqiptarët…”, theksoi mes të tjerash Kryemadhi.
