Policia e Vlorës ka vënë në pranga pronarin e një lokali, pasi nuk kallëzoi plagosjen e ndodhur mbrëmjen e djeshme në qytetin bregdetar. Bëhet fjalë për shtetasin me inicialet A.J., 55 vjeç, banues në Vlorë.
Shtetasi në fjalë, pas ngjarjes së ndodhur, nuk ka kallëzuar për plagosjen e shtetasit G.Ll., dhe ka mbyllur lokalin duke kryer veprime të tjera me qëllim dëmtimin e provave.
Njoftimi i policisë:
Vlorë
Në vijim të plagosjes së ndodhur mbrëmjen e kaluar në ambientet e një lokali në lagjen “Partizani”, policia ka arrestuar në flagrancë pronarin e lokalit, shtetasin A.J., 55 vjeç, banues në Vlorë.
Nga hetimet e kryera, ka rezultuar se ky shtetas pas ngjarjes së ndodhur, nuk ka kallëzuar në organin policor për plagosjen e shtetasit G.Ll., dhe ka mbyllur lokalin duke kryer veprime të tjera me qëllim dëmtimin e provave.
Materialet iu referuan Prokurorisë në ngarkim të tij, për veprat penale “Moskallëzim krimi” dhe “Veprime që pengojnë zbulimin e të vërtetës”.
