Negociatat për Tiranën dhe Shkupin hapen më 15 tetor. Ky informacion është përcjellë nga media prestigjioze amerikane Bloomberg. “BE me siguri do të autorizojë fillimin e negociatave zyrtare të pranimit me Shqipërinë dhe Maqedoninë e Veriut muajin tjetër”, shkruan Bloomberg, duke i referuar burimeve te veta.
Bloomberg zbardh detaje nga drafti i ministrave të BE, që do të prezantohet më 15 tetor. “Në dritën e përparimit të arritur me reformat”, mbledhja e ministrave të BE në Luksemburg në 15 tetor do të vendos “të hapin negociatat e pranimit” për Tiranën dhe Shkupin, shkruan media e huaj.
Sipas medias amerikane, një dokument i pak kohëve më parë nuk i rekomandonte negociatat, dhe sikundër në muajin qershor, shtetet më hezituese ndaj zgjerimit me Ballkanin mbeten Franca, Holanda, Gjermania dhe Danimarka.
Qeveritë e BE-së perëndimore janë acaruar nga dështimi i disa kombeve lindore, që iu bashkuan bllokut nga 2004 për të mbështetur sundimin e ligjit dhe luftën kundër korrupsionit.
Kështu ata janë të kujdesshëm të pranojnë anëtarët e rinj, ne zonën ku njerëzit, mallrat dhe shërbimet mund të lëvizin lirshëm.
