Grupet Parlamentare të Koalicionit Qeverisës CDU-CSU dhe SPD në Bundestagun Gjerman vendosën sot se për Shqipërinë nuk ka hapje të negociatave pa plotësuar 9 kushte kryesore, dhe disa nënkushte të tjera. Lidhur me këtë vendim, një reagim i menjëhershëm ka ardhur nga ana e kryeministrit Rama, i cili falenderon të gjithë deputetët e CDU/CSU, të cilët votuan pro hapjes së negociatave.
“LAJM I MIRE! Faleminderit të gjithë deputetët e CDU/CSU që më në fund VOTUAN PRO HAPJES SË NEGOCIATAVE.
Ata qē votuan KUNDËR do t’i bindim në çdo hap me FAKTE se SHQIPËRIA E MERITON hapjen e negociatave.
FALEMINDERIT ANGELA për mbështetjen e pakursyer për SHQIPËRINË”, shkruan Rama në Twitter.
