Analisti Aleksandër Çipa ka folur rreth situatës politike në vend, duke u ndalur edhe te deklarata e kryeministrit grek, Mitsotakis, i cili u shpreh se Greqia nuk do jetë pro negociatave.
I ftuar në emisionin “Arena” në Ora News, Çipa theksoi se Greqia nuk do të jetë pengesë për hapjen e negociatave për Shqipërinë.
“Jo nuk mendoj. Greqia e ka mbyllur problemin me Maqedoninë. Dhe do ta përdorë si nj lloj presingu në raport me Shqipërinë . Greqia e ka keqpërdorur shpesh-herë për 28 vite politikën e brendshme të saj për marrëdhëniet fqinjore me vendin tonë. Sot Greqia ka një gjë që duhet ta pranojmë, në këto 28 vite Greqia kurrë nuk ka shkaktuar kosto vonese në lidhje me integrimin e Shqipërisë. Na ka shkaktuar kosto të tjera, por jo për integrimin”, u shpreh analisti.
