Nënkryetari i LSI-së Petrit Vasili, ka shuar zërat për përçarje mes opozitës. Reagimi tij pason një ditë pas takimit të kryedemokratit Basha me aleatët, ndërsa mungoi kryetarja e LSI-së, Monika Kryemadhi. Duke qëndruar në të njëjtën linjë, Vasili ka deklaruar se LSI është e vendosur për të çuar aksionin opozitar deri në fund.
“Opozita e bashkuar do të intensifikojë aksionin shumëplanësh. Kriza shumë e rëndë kushtetuese, politike dhe e përfaqësimit. Dakordësi e plotë për platformë që zgjidh krizën.
Opozita e bashkuar, e vetmja garanci për daljen nga kriza. Opozita kërkon hapjen e negociatave, jo demagogjinë e radhës. Opozita e vendosur për të çuar deri në fund aksionin e saj. Edi Rama është gjeneruesi e shkaku i krizës dhe jo zgjidhja. Edi Rama i interesuar vetëm që integrimi të dështojë. Mazhorancës i intereson kriza si alibi për grabitjen me koncesione”, u shpreh ai.
