Ish-kryeministri Sali Berisha është shprehur kundër një koalicioni PS-PD. Ai i ka dhënë fund aludimeve që po bëhen ditët e fundit, për një koalicion të mundshëm. Sipas tij, një koalicion i tillë do të shuante çdo shpresë për çdo shqiptar për të marrë shtetin ligjor.
“Në të gjithë vlerësimin tim, nuk mund të ketë një koalicion të tillë, pasi do të ishte asgjë tjetër ‘colpo di grazia’ apo goditja e mëshirës për sistemin e demokracisë shqiptare.
Këtë s’mund ta quaj më demokraci, do ta varrosë përfundmisht atë që dje quhej demokraci, por që sot është narkoshtet dhe një koalicion i tillë do të shuante çdo shpresë te shqiptarët për të rrimarrë rrugën e standardeve, rrugën e ligjit. Standardet këtu kanë marrë fund”, tha ai në emisionin “Opinion”.
