Presidenti i Francës, Emmanuel Macron, i kërkon ndjesë kryeministrit Edi Rama, për atë që ai e cilëson si një gabim të patolerueshëm, të Federatës Franceze të Futbollit mbi ngatërrimin e himnit shqiptar!
Nga ana tjetër, Macron vlerëson reagimin e lojtarëve shqiptare dhe ka thënë se e konsideronte të nevojshme, shprehjen e një ndjese të sinqertë.
Ndërkohë, kryeministri Rama e vlerëson gjestin e presidentit Macron, duke e falënderuar atë për mesazhin e tij të ndjesës, pavarësisht se gafa e papranueshme është bërë nga Federata Franceze e Futbollit.
Kujtojmë se ditën e djeshme, në pritje të fillimit të ndeshjes mes Shqipërisë dhe Francës, një problem ka shoqëruar Kombëtaren kuqezi, teksa organizatorët nuk kanë pasur gati “Himnin e Flamurit” duke luajtur himnin e Andorrës.
Situata u bë edhe më e turpshme kur ata kërkuan ndjesë, por iu drejtuan kombëtares sonë si armenë.
