Brazili, është një nga destinacionet më të preferuara turistike në botë. Por aty ndodhet edhe vendi më vdekjeprurës në botë, ishulli Ilha de Queimada Grande. Aty banojnë qindra mijëra gjarpërinj, nga me helmuesit në botë. Sipas ekspertëve, helmi i tyre mund të vrasë një njeri brenda një ore. Dikur aty kanë banuar disa njerëz, që siguronin funksionimin e farit.
Por ata vdiqën shpejt si pasojë e sulmit të gjarpërinjve. Që atëherë, qeveria braziliane e ka ndaluar zbarkimin në ishull të vizitorëve. Disa pretendojnë se gjarpërinjtë u vendosën qëllimisht në ishull nga piratët, që synonin të mbronin arin e fshehur aty. Në fakt, gjarpërinjtë jetojnë aty prej mijëra vjetësh. Ushqimi i pakët, i ka bërë ata më agresivë dhe më helmues.
Ishulli vizitohet me leje të posaçme nga biologët dhe studiuesit. Ata shpresojnë ta përdorin helmin e gjarprit kokëartë, për një trajtim me efektiv të pickimeve nga gjarpërinjtë në mbarë Brazilin. Helmi i këtij gjarpri, mendohet se është shumë i dobishëm në industrinë farmaceutike.
Ai mund të kurojë sëmundjet e zemrës, dhe tumore të ndryshme. Për këtë arsye, bie shpesh pre e kontrabandistëve, që zbarkojnë fshehtazi në ishull. Ata i kapin gjarpërinjtë, dhe i shesin ilegalisht në tregun e zi, për një çmim 10-30 mijë dollarë për çdo gjarpër./ TIRANA TODAY
