Policia e Shtetit ka finalizuar ditën e sotme operacionin policor antikanabis të koduar “Malësia e Krujës”. Për pasojë, 19 persona janë arrestuar për veprën penale “Kultivimi i bimëve narkotike” dhe 7 të tjerë janë shpallur në kërkim.
Uniformat blu bëjnë me dije se “nga tërësia e veprimeve hetimore e procedurale ka rezultuar se këta shtetas, në bashkëpunim me njëri-tjetrin, kanë kultivuar bimë narkotike në zonën e pyllëzuar të fshatrave Shkretë, Mafsheq, Nojë, Qafë Shtamë, Picrragë, Brret, Borizanë të Bashkisë Krujë, ku në periudha të ndryshme, janë gjetur dhe asgjësuar kubikë të kultivuar me fara kanabis dhe fidanë të dyshuara narkotike kanabis sativa”.
Në funksion të dy procedimeve penale u bë ekzekutimi i masës së sigurisë “Arrest në burg”, për veprën penale “Kultivimi i bimëve narkotike”, kryer në bashkëpunim, për shtetasit:
A.L., 31 vjeç, banues në Mamurras;
M.Ll., 56 vjeç, banues në Mirditë;
L.D., 47 vjeç, banues në Borizanë, Krujë;
N.M., 28 vjeç, banues në Krujë;
M.K., 61 vjeç, banues në Brret, Krujë;
R.K., 56 vjeç, banues në Brret, Krujë;
E.K., 27 vjeç, banues në Brret, Krujë;
Xh. K., 53 vjeç, banues në Picrragë, Krujë;
L.Sh., 36 vjeç, banues në Fushë Krujë;
K.Sh., 32 vjeç, banues në Fushë Krujë;
A.M., 65 vjeç, banues në Krujë;
F.M., 28 vjeç, banues në Krujë;
K.L., 47 vjeç, banues në Cudhi, Krujë;
A.G., 35 vjeç, banues në Mafsheq, Krujë;
F.M., 41 vjeç, banues në Mafsheq, Krujë;
B.K., 31 vjeç, banues në Mafsheq, Krujë;
I.X., 42 vjeç, banues në Nojë, Krujë;
G.K., 36 vjeç, banues në Mafsheq, Krujë;
U bë ndalimi me iniciativë për shtetasin:
A.K., 30 vjeç, banues në Mafsheq, Krujë;
Në cilësinë e provës materiale u sekuestruan 33 aparate celulare dhe 1 armë zjarri pistoletë zhurmuese.
Matrialet u referuan në Prokurorinë Pranë Gjykatës së Shkallës së Parë Krujë.
