Nënkryetari i LSI, Petrit Vasili, ka publikuar deklaratën e kryeministrit Rama në Shkodër, kohë kur vlerësonte kandidatin për Bashkinë e Shkodrës, Valdrin Pjetri.
Bashkëngjitur videos në fjalë, Vasili shkruan: “Ja çfarë thoshte Edi Rama për Valdrin Pjetrin që do bënte historinë e Shkodrës dhe garant u bë dora vetë kryeministri. (VIDEO).
A ka më njeri normal që e beson këtë kryeministër???”.
Ende pa dalë konkluzioni i Prokurorisë shqiptare, fituesi socialist deklaroi dorëheqjen. Vendimi vjen pas publikimit të dokumentave nga Partia Demokratike, që tregonin se ai ishte i arrestuar dhe dënuar në Itali për ‘trafik droge’. Pjetri u zgjodh në krye të Shkodrës si rezultat i zgjedhjeve të 30 qershorit, të cilat u shfuqizuan me dekret nga presidenti Ilir Meta. Opozita braktisi 30 qershorin, ndërkohë që Meta dekretoi 13 tetorin si datë të re për zgjedhjet lokale, por ky vendim nuk u pranua nga Partia Socialiste.
