Presidenti Ilir Meta ka deklaruar se nëse nuk dakordësohet për zgjidhjen e krizës, atëherë ai do të thërrasë të gjitha mediat botërore dhe do të vendosë një buqetë me lule tek varri i ish-kreut të PPSH, Ramiz Alisë. Sipas tij, Aliaj ka pasur më shumë vullnet për të zgjidhur krizat edhe në kohëra më të vështira.
“Nëse situata nuk ndryshon, do më detyrojnë të thërras gjithë mediat botërore dhe të vë një buqetë me lule të varri i Ramiz Alisë se edhe pse ishte udhëheqës i fundit komunist dhe kishte ardhur me luftë në pushtet dhe se e dinte që ishte krijuar një armiqësi e tmerrshme në vend, përsëri tregoi përgjegjshmërinë e tij, sot e vlerësojmë shumë herë më tepër pas këtyre gjërave që po na shohin sytë, për të ç’tensionuar gjithë atë tension për të shtyrë zgjedhjet e për t’i dhënë mundësi opozitës në atë kohë të merrte pjesë ne zgjedhje”, tha Meta.
