Vijon puna e Strukturave të Drejtorisë Vendore të Policisë Durrës për parandalimin dhe goditjen e paligjshmërisë.
Nga ana e Specialistëve të Qarkullimit Rrugor, janë shtuar kontrollet në kuadër të respektimit të rregullave, orientimit, këshillimit dhe ndëshkimit të personave që drejtojnë automjetet nën efektin e pijeve alkoolike dhe pa leje drejtimi.
Gjatë 3 ditëve të fundit, Specialistët e Qarkullimit Rrugor kanë arrestuar në flagrancë 2 shtetas të cilët drejtonin automjetin në gjendje të dehur si dhe 4 të tjerë që drejtonin automjetin të pa pajisur me leje drejtimi.
Janë marrë gjithsej 967 masa administrative nga të cilat: Janë pezulluar 13 leje drejtimi, për drejtim të automjetit nën ndikimin e pijeve alkoolike, 51 masa administrative për tejkalim të normave të shpejtësisë, 62 masa administrative për mospërdorim të rripit të sigurimit.
Por nuk kanë munguar edhe masat administrative për parakalime të gabuara, gjithsej 274 dhe shumë të tjera për përdorim celulari.
Madje për përdorimin e celularit, gjoba do të jetë ndër më të lartat krahasuar me të gjitha shkeljet e rregullave të qarkullimit rrugor.
Edhe në ditët në vijim do të intensifikohet puna me qëllim rritjen e sigurisë rrugore si dhe këshillimin dhe ndëshkimin e atyre drejtuesve që nuk respektojnë rregullat e Qarkullimit Rrugor.
