Mbrëmjen që lamë pas, pushuesit në zonën e plazhit të Jalit janë tronditur nga të shtënat me armë zjarri në ambientet VIP të një diskoje të njohur në zonë. Mësohet se një grup personash kanë përdorur armët në ambientet e lokalit, për shkaqe ende të paqarta.
Konflikti është shënuar rreth orës 2 e 30 minuta pas mesnate, në ambientet e një lokali në Jal, që njihet si një nga plazhet më të frekuentuara në vendin tonë.
Burime jo zyrtare raportojnë për një vajzë të lënduar nga xhamat e thyer, si pasojë e përleshjes mes të rinjve.
Kanë qenë pushuesit ata që kanë telefonuar policinë, dhe sipas tyre, ka patur edhe të shtëna me armë, por në vendngjarje nuk janë gjetur gëzhoja.
Nga policia ende nuk ka një konfirmim zyrtar për ngjarjen, dhe personat e përfshirë në konflikt.
