Një ngjarje e rëndë është regjistruar në Kinë, ku një vajzë e cila ishte e fshehur në një kuti kartoni në mes të rrugës, është shtypur nga një makinë.
Sipas Daily Mail, vajza 5-vjeçare ishte futur në kutinë e kartonit në mes të rrugës duke u mbuluar tërësisht. Vetëm pak momente më vonë, shihet një makinë e bardhë e cila shfaqet në rrugë dhe kalon mbi kutinë brenda së cilës ndodhej vajza.
Sipas policisë vendase, shoferi i mjetit do të mbajë përgjegjësinë e plotë për incidentin pasi nuk inspektoi kutinë e kartonit para se ti kalonte sipër.
Ndërkohë siç duket edhe në video, 4 persona që besohen të jenë familjarët e vajzës së vogël nxituan në rrugë duke i bërtitur shoferit. 5-vjeçarja e cila u dërgua menjëherë në spital mësohet të ketë pësuar fraktura të rënda në kraharor.
