Situata para ambienteve të Teatrit Kombëtar sa vjen edhe agravohet më shumë me kalimin e orëve, teksa qytetarë dhe artistë të shumtë janë mbledhur për t’i bërë rezistencë shembjes së godinës së teatrit.
Regjisori Edmond Budina i bëri thirrje Policëve që të mos bie pre e urdhrave të paligjshëm dhe të mos dhunojnë artistët dhe qytetarët.
“Policia hiqni kapelet. A kini fëmijë, ndërgjegje. Si mund të dhunoni bashkëqytetarët tuaj, njerëzit që duan të bashkohen në këtë shesh. Çfarë ju kemi bërë. Pse na keni rrethuar po mbrojmë kulturën shqiptare. Thirrini ndërgjegjes. Unë po i bëj një thirrje presidentit, Ilir Meta, Pandeli Majko kemi qenë tek Ramiz Alia bashkë. Hajde këtu bashkohuni me ne, nëse ju ka mbetur diçka nga ajo e viteve 1990. Hajde këtu Ismail Kadare. Hajde se po na tërheqin zvarrë. Na kanë rrethuar si romanin Kështjella dhe po na trajtojnë si të jemi kafshë. Në këtë skenë kemi vënë Gjeneralin e Ushtrisë së Vdekur, “Kush e solli Doruntinën”. Hajde këtu në sheshin e Teatrit”, shprehet regjisori.
